27 января 2026

Асноўныя патрабаванні аб выкананні каранціннага рэжыму ў каранціннай фітасанітарнай зоне

Дзяржаўная ўстанова «Галоўная дзяржаўная інспекцыя па насенняводстве, каранціне і ахове раслін» у межах сваёй кампетэнцыі інфармуе аб неабходнасці строгага выканання каранціннага рэжыму, устаноўленага пры выяўленні каранціннага аб’екта.

Каранцінны рэжым устанаўліваецца рашэннем мясцовага выканаўчага і распарадчага органа ў адпаведнасці з Палажэннем аб парадку вызначэння і абазначэння межаў каранціннай фітасанітарнай зоны, устанаўлення, забеспячэння і зняцця каранціннага рэжыму, зацверджаным пастановай Савета Міністраў Рэспублікі Беларусь ад 14.07.2006 № 881.

Асноўная мэта каранціннага рэжыму – не дапусціць распаўсюджвання каранціннага аб’екта, правесці лакалізацыю і ліквідацыю ачага. Каранцінная фітасанітарная зона і працягласць каранціннага рэжыму ўстанаўліваюцца зыходзячы з біялагічных асаблівасцей каранціннага аб’екта.

Пры ўстанаўленні каранціннай фітасанітарнай зоны неабходна строга выконваць усе мерапрыемствы па лакалізацыі і ліквідацыі ачага, прадугледжаныя ў рашэнні мясцовага выканаўчага і распарадчага органа.

Таксама, згодна з пунктам 13 названага Палажэння, у мэтах забеспячэння каранціннага рэжыму забараняецца:

• высейваць (высаджваць) заражаныя каранціннымі аб’ектамі насенне і пасадачны матэрыял сельскагаспадарчых і іншых культур;
• выкарыстоўваць зямельныя ўчасткі, на якія ўстаноўлены каранцінны рэжым, для вытворчасці прадукцыі сельскагаспадарчай вытворчасці, якая спрыяе развіццю і распаўсюджванню каранцінных аб’ектаў;
• захоўваць прадукцыю, заражаную каранціннымі аб’ектамі, у адным памяшканні з незаражанай прадукцыяй;
• захоўваць заражаную каранціннымі аб’ектамі прадукцыю насыпам;
• рэалізоўваць за межы каранціннай фітасанітарнай зоны прадукцыю без праходжання дзяржаўнага каранціннага фітасанітарнага кантролю (нагляду), які ажыццяўляецца дзяржаўнай установай «Галоўная дзяржаўная інспекцыя па насенняводстве, каранціне і ахове раслін» і (або) яе тэрытарыяльнымі арганізацыямі;
• выкарыстоўваць на корм жывёле адходы, якія ўтрымліваюць каранцінныя аб’екты;
• ажыццяўляць выпас жывёл на выганах і пашах, заражаных каранціннымі аб’ектамі;
• выкарыстоўваць падкаранцінныя аб’екты (мяшкатара, транспартныя сродкі, інвентар, склады і г.д.) без папярэдняй дбайнай ачысткі або абеззаражвання;
• вывозіць на палі арганічныя ўгнаенні, атрыманыя пасля выкарыстання прадукцыі (корм, падсцілка і г.д.), заражанай каранціннымі аб’ектамі.

Звяртаем увагу, што парушэнне патрабаванняў і непровядзенне мерапрыемстваў па ліквідацыі ачага заражэння цягне за сабой адказнасць у адпаведнасці з заканадаўствам.