Увага! Небяспечны каранцінны шкоднік - КАРЫЧНЕВА-МАРМУРОВЫ КЛОП!

Дзяржаўная ўстанова "Галоўная дзяржаўная інспекцыя па насенняводству, каранціну і ахове раслін" звяртае Вашу ўвагу на павелічэнне выпадкаў выяўлення каранціннага аб'екта – карычнева-мармуровага клапа (Halyomorpha halys) ў краінах Еўрапейскага кантынента.

Аб выяўленні Halyomorpha halys паведамілі: Балгарыя (2016), Бельгія (2017, 2019), Швецыя (2016, 2018), Ісландыя (2019), Швейцарыя( 2019), Мальта( 2018), Італія (2018), Албанія (2018), Украіна (2018), паўднёвая частка Польшчы (2018), паўднёвая частка Расіі (2018).

Карычнева-мармуровы клоп шкоднасны на ўсіх стадыях развіцця, імага і лічынкі высмоктваюць сокі раслін, зніжаючы і знішчаючы ўраджай. Дзякуючы хуткасці развіцця, шкоднік можа даваць да 6 пакаленняў у год.

Асаблівую небяспеку карычнева-мармуровы клоп прадстаўляе ў сувязі з выключнай шматяднасцю, пашкоджваючы больш за 300 відаў раслін. Найбольшую шкоду прычыняе пладовым культурам (семечкавым, костачкавым) і ягадам (маліне, вінаграду і інш.). Можа шкодзіць гародніне (перцу, таматам, агуркам), бабовым (фасолі, соі) і збожжавым культурам (кукурузе). Таксама пашкоджвае дэкаратыўныя расліны (клён, кіпарыс, гібіскус, бружмель, шыпшыннік, вярба і інш.). Пры адсутнасці прыдатных культурных раслін здольны выжываць і развівацца на дзікай і пустазельнай расліннасці.

Дарослыя клапы добра лётаюць (з хуткасцю да 3 м у секунду) і могуць самастойна рассяляцца на вялікія адлегласці, і на яшчэ большыя - са спадарожнымі грузамі і транспартам. Найбольш верагоднымі шляхамі пранікнення карычнева-мармуровага клапа з'яўляюцца транспартныя сродкі, кантэйнеры і грузы (асабліва расліны і раслінная прадукцыя, а таксама прамысловыя тавары і прамысловае абсталяванне). Карычнева-мармуровы клоп таксама можа пракрасціся з садавінай і гароднінай у ручной паклажы і на транспартных сродках з любым грузам.

У сувязі з фітасанітарнай сітуацыяй у пагранічных пунктах пропуску Рэспублікі Беларусь узмоцнены кантроль за ўвозам падкаранціннай прадукцыі, у тым ліку ў ручной паклажы пасажыраў.

Пры выяўленні шкоднікаў з падобнымі знешнімі прыкметамі просім паведамляць у бліжэйшую Дзяржаўную інспекцыю па насенняводству, каранціну і ахове раслін па тэлефонах, пазначаных на сайце www.ggiskzr.by ў раздзеле «Кантакты».

ІДЭНТЫФІКАЦЫЯ

26.06.2019