Аб выяўленні парушэнняў заканадаўства ў галіне аховы раслін у ходзе правядзення мерапрыемстваў тэхнічнага (тэхналагічнага, паверачнага) характару па рэспубліцы ў 2022 годзе

Дзяржаўнымі інспектарамі Галоўнай дзяржаўнай інспекцыі па насенняводству, каранціну і ахове раслін і яе тэрытарыяльнымі арганізацыямі ў абласцях у 2022 годзе было праведзена 14170 кантрольных (наглядных) мерапрыемстваў у форме мерапрыемстваў тэхнічнага (тэхналагічнага, паверачнага) характару (далей – мерапрыемствы) у дачыненні да юрыдычных асоб і індывідуальных прадпрымальнікаў, якія ажыццяўляюць дзейнасць, звязаную са зваротам сродкаў аховы раслін.

Па выніках правядзення мерапрыемстваў было выяўлена 1856 парушэнняў. Найбольш распаўсюджанымі з іх з'яўляюцца:

зварот са сродкамі аховы раслін, якія не прайшлі дзяржаўную рэгістрацыю і не уключанымі ў Дзяржаўны рэестр сродкаў аховы раслін і ўгнаенняў, дазволеных да прымянення на тэрыторыі Рэспублікі Беларусь;

зварот са сродкамі аховы раслін з неадпаведнасцю маркіроўкі, усталяванай на тэрыторыі Рэспублікі Беларусь (адсутнасць нумара дзяржаўнай рэгістрацыі і нумара тарнай этыкеткі Рэспублікі Беларусь) і г. д.;

адсутнасць уліку наяўнасці сродкаў аховы раслін;

выяўленне вышей за парогавую колькасц асабліва небяспечных шкодных арганізмаў у пасевах сельскагаспадарчых культур.

Такім чынам, былі парушаны наступныя нормы заканадаўства ў галіне аховы раслін: Частка 2 артыкула 7, артыкула 21, 22, 25 Закона Рэспублікі Беларусь ад 25 снежня 2005 года «аб каранціне і ахове раслін», пастанова Міністэрства сельскай гаспадаркі і харчавання Рэспублікі Беларусь ад 5 чэрвеня 2012 года № 36 «Аб устанаўленні формаў дакументаў па пытаннях дзяржаўнай рэгістрацыі», пастанова Міністэрства сельскай гаспадаркі і харчавання Рэспублікі Беларусь ад 17 кастрычніка 2016 г. № 29 «Аб устанаўленні пераліку асабліва небяспечных шкоднікаў, хвароб раслін і пустазелля».

Звяртаем увагу суб'ектаў, якія ажыццяўляюць зварот са сродкамі аховы раслін, на неабходнасць выканання патрабаванняў дзеючага заканадаўства ў галіне аховы раслін.

Інспекцыя па ахове раслін

16 фев 2023