Навіны

Навіны

Аб выяўленні каранцінных аб'ектаў з 10 па 16 мая 2024 года

За перыяд з 10 па 16 мая 2024 года года iнспектарамi дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 6 вiдаў каранцінных аб'ектаў у 16 выпадках выяўлення:

– заходні кветкавы трыпс (Frankliniella occidentalis Pergande) – 3 выпадкі на салаце свежым (1,8375 т) і капусце белакачаннай свежай (36,8 т);

– амерыканская таматная моль (Tuta absoluta (Meyrick) – 2 выпадкі ў таматах свежых (22,5 т);

– белая іржа хрызантэм (Puccinia horiana Henn.) - 3 выпадкі на зрэзаных кветках хрызантэм (340 шт.);

– чарада волосістая (Bidens рilosa L.) – 1 выпадак у шроце соевым (54,1 т);

– вірус мазаікі пепіно (Pepino mosaic virus) - 3 выпадкі ў таматах свежых (0,1215 т);

– вірус карычневай маршчыністай пладоў тамата (Tomato brown rugose fruit virus) - 4 выпадкі ў таматах свежых (6,4695 т).

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

Даведачна: Белая іржа хрызантэм - каранціннае грыбковае захворванне. Puccinia horiana пашкоджвае у асноўным лісце (асабліва маладыя тканіны), радзей сцеблы і кветкі. На іх з'яўляюцца невялікія светла-зялёныя плямы, якія з часам павялічваюцца і становяцца ярка-жоўтымі, а іх цэнтр набывае карычневы колер і ўціскаецца ўнутр. Моцна пашкоджаннае лісце заўчасна адмірае і часта закручваецца долу, а расліны выглядаюць як абпаленыя. Масавае пашкоджванне хрызантэм у цяпліцах можа выклікаць больш за 80% знішчэння ўраджаю. Узбуджальнік хваробы звычайна перадаецца з заражанымі чаранкамі і раслінамі хрызантэм, у тым ліку зрэзаныя кветкі. У прыродзе патаген пераносіцца ветрам (на адлегласць больш за 800 метраў), птушкамі, насякомымі, сельскагаспадарчымі прыладамі, кроплямі вады пры апырскванні хрызантэм. Лепшай прафілактыкай дадзенага захворвання з'яўляецца выкарыстанне здаровага пасадачнага матэрыялу хрызантэм.