Аб выяўленні каранцінных аб'ектаў з 31 мая па 6 чэрвеня 2024 года

    За перыяд з 31 мая па 06 чэрвеня 2024 года года iнспектарамi дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 6 вiдаў каранцінных аб'ектаў у 15 выпадках выяўлення:

    – заходні кветкавы трыпс (Frankliniella occidentalis Pergande) – 2 выпадкі на капусце белакачаннай свежай (16,3 т);

    – белая іржа хрызантэм (Puccinia horiana Henn.) - 1 выпадак на зрэзаных кветках хрызантэм (160 шт.);

    – амброзія палыналістая (Ambrosia artemisiifolia L.) – 2 выпадкі ў насенні сланечніка харчовага (42,92 т);

    – гарчак паўзучы (Acroptilon repens DC.) - 1 выпадак у насенні рапсу харчовага (20,0 т);

    – вірус мазаікі пепіно (Pepino mosaic virus) - 3 выпадкі ў таматах свежых (5,42 т);

    – вірус карычневай маршчыністасці пладоў тамата (Tomato brown rugose fruit virus) - 6 выпадкаў у таматах свежых (18,1 т).

    Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

    Даведка: Заходні кветкавы трыпс - небяспечны, каранцінны фітафаг, які хутка пашырае свой арэалам. Кола кармавых раслін уключае больш за 250 відаў. З агароднінных і зеляных культур найбольш пашкоджваюцца агурок, качаны салат, балгарскі перац, лук, многія дэкаратыўныя і кветкавыя культуры (хрызантэмы, ружы і эустомы). Фітафаг вядзе схаваны лад жыцця, засяляючы кветкавыя почкі, бутоны, кветкі. Шкодзіць імага і лічынкі, высмоктваючы клеткавы сок з расліннай тканіны. Першапачаткова гэта выклікае з'яўленне жоўтых некратычных плям, своеасаблівай штрыхаватасці; паступова гэтыя рыскі і плямы зліваюцца. Пашкоджаная раслінная тканіна адмірае, лісце марнее і ападае. Пры масавым засяленні трыпсам на раслінах часта адзначаецца скрыўленне сцеблаў і дэфармацыя кветак. Акрамя таго, шкоднік здольны пераносіць вірусы (тосповірус бронзавасці тамата і некратычнай плямістасці бальзаміна). Распаўсюджваецца фітафаг са зрэзанымі кветкамі, гароднінай, зелянымі культурамі і пасадачным матэрыялам.

10 июн 2024