Аб выяўленні каранцінных аб'ектаў з 04 па 10 кастрычніка 2024 года

За перыяд з 04 па 10 кастрычніка 2024 года інспектарамі дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 6 вiдаў каранцінных аб'ектаў у 11 выпадках выяўлення:

– белая іржа хрызантэм (Puccinia horiana Henn.) - 1 выпадак на зрэзаных кветках хрызантэм (5 шт.);

– амброзія палыналістая (Ambrosia artemisiifolia L.) – 2 выпадкі ў соі харчовай (113,68 т);

– гарчак паўзучы (Acroptilon repens DC.) - 1 выпадак у насенні рапсу харчовага (25,0 т);

– чарада валасістая (Bidens рilosa L.) - 5 выпадкаў у шроце соевым (307,74 т);

– вірус карычневай маршчыністасці пладоў тамата (Tomato brown rugose fruit virus) – 1 выпадак у таматах свежых (3,602 т);

– вірус мазаікі пепіно (Pepino mosaic virus) - 1 выпадак у таматах свежых (3,602 т).

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

14 окт 2024