Навіны

Навіны

Аб выяўленні каранцінных аб'ектаў з 22 па 28 лістапада 2024 года

За перыяд з 22 па 28 лістапада 2024 года інспектарамі дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 7 вiдаў каранцінных аб'ектаў у 15 выпадках выяўлення:

– міжземнаморская пладовая муха (Ceratitis capitata Wiedemann) - 2 выпадка ў клеменцінах свежых;

– амброзія палыналістая (Ambrosia artemisiifolia L.) - 1 выпадак у насенні сланечніка харчовага;

– гарчак паўзучы (Acroptilon repens DC.) - 1 выпадак у насенні рапсу харчовага;

– павіліка (Cuscuta spp.) - 1 выпадак у насенні люцэры;

– чарада валасістая (Bidens рilosa L.) - 5 выпадкаў у шроце соевым;

– вірус мазаікі пепіна (Pepino mosaic virus) - 1 выпадак у таматах свежых;

– вірус карычневай маршчыністасці пладоў тамата (Tomato brown rugose fruit virus) - 4 выпадкі ў таматах свежых.

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

Даведачна: Міжземнаморская пладовая муха - шмат'ядны каранцінны шкоднік, які пашкоджвае плады апельсіна, мандарына, авакада, хурмы, інжыра, банана, лімона, суніцы, граната, абрыкоса, яблыні, слівы, чарэшні, вінаграда, а таксама больш 260 розных відаў садавіны, кветак, гародніны і арэхаў. Шкодзяць лічынкі, якія выядаюць мякаць пладоў, выклікаючы іх заўчаснае паспяванне і ападанне. Значныя страты ад гэтага шкодніка часта застаюцца незаўважным да моманту, калі плоды становяцца мяккімі, з пацямненнем на скурке, асабліва гэта прыкметна на апельсінах і іншых цытрусавых, а мякоць губляе таварныя якасці. Страты ўраджаю могуць складаць ад 30 да 100 працэнтаў. Асноўны спосаб распаўсюджвання - імпарт заселенай шкоднікам расліннай прадукцыі, таму асноўнымі ахоўнымі мерамі з'яўляецца дбайны надгляд і экспертыза пладоў, якія паступілі ў пунктах увозу.