Аб выяўленні каранцінных аб'ектаў з 24 студзеня па 6 лютага 2025 года

За перыяд з 24 студзеня па 6 лютага 2025 года інспектарамі дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 5 вiдаў каранцінных аб'ектаў у 7 выпадках выяўлення:

– заходні кветкавы трыпс (Frankliniella occidentalis Pergande) - 2 выпадкі на рукколе і на шпінаце свежых і 1 выпадак на зрэзаных кветках і бутонах руж;

– міжземнаморская пладовая муха (Ceratitis capitata Wiedemann) - 1 выпадак у клеменцінах свежых;

– паўдневаамерыканская таматная моль (Tuta absoluta (Meyrick) – 1 выпадак у таматах свежых;

– бурая маніліёзная гніль (Monilinia fructicola (Winter)) - 1 выпадак у грушах свежых;

– чарада валасістая (Bidens рilosa L.) - 1 выпадак у шрот соевым.

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

Даведка: Бурая маніліёзная гніль небяспечнае каранціннае захворванне пладовых культур, шырока распаўсюджанае ў многіх краінах свету. Да моцна паражаемых культур у першую чаргу адносяць костачкавыя – персік, нектарын, сліва, чарэшня, абрыкос, міндаль і інш. У меншай ступені паражаюцца – яблыня, груша, айва японская, кізіл, мушмула, вінаград. M. fructicola паражае ўсе надземныя органы расліны: почкі, маладыя пабегі, галіны, кветкі, плады і лісце (на сліве). Развіццё грыба адбываецца ў дзве фазы: апёку кветак і гнілі пладоў. Паражонныя плады згніваюць за некалькі дзён, ападаюць ці застаюцца вісець прымацаванымі да галін. Плады засыхаюць і муміфіціруюцца, што з'яўляецца характэрнай прыкметай захворвання. Бурая маніліёзная гніль можа амаль цалкам знішчыць ураджай ці значна скараціць яго, бо паражае кветкі і выклікае гніенне саспелых пладоў, як на дрэве, так і пасля збору ўраджая. Страты пасля збору ўраджаю больш сур'ёзныя, чым да збору, і звычайна адбываюцца пры захоўванні і транспарціроўцы, а ў некаторых выпадках і на стадыі апрацоўкі. Найбольш верагодным спосабам распаўсюджвання захворвання з'яўляецца заражаны пасадачны матэрыял успрымальнага гатунку, а таксама свежыя плады ў працэсе міжнароднага гандлю.

10.02.2025