Семінар-нарада па пытаннях льнаводства

20 снежня 2019 года пад кіраўніцтвам Намесніка Прэм'ер-міністра Рэспублікі Беларусь У.А.Дворніка на базе ААТ «Дубровенскі льнозавод» Віцебскай вобласці адбыўся семінар-нарада па рашэнні праблемных пытанняў у галіне льнаводства.
У нарадзе прымалі ўдзел Міністр сельскай гаспадаркі і харчавання Рэспублікі Беларусь А.М.Хацько, намеснік Міністра сельскай гаспадаркі і харчавання Рэспублікі Беларусь У.У.Гракун, а таксама прадстаўнікі ДУ «Галоўная дзяржаўная інспекцыя па насенняводству, каранціну і ахове раслін», абласных выканаўчых камітэтаў, кіраўнікі абласных ільноаб'яднанняў і іншыя зацікаўленыя асобы.
У ходзе нарады былі разгледжаны пытанні падрыхтоўкі насення льна-даўгунца, правядзення работ па перадпасяўной падрыхтоўцы глебы і пасеву льна-даўгунца, арганізацыя перапрацоўкі льнотрасты, рэалізацыя льновалакна на экспарт і іншыя надзённыя пытанні.
Па выніках правядзення нарады Намеснікам Прэм'ер-міністра Рэспублікі Беларусь У.А.Дворнікам быў дадзены шэраг даручэнняў па пытаннях льнаводства, з якіх да першарадным аднесены: забяспечанасць льнасеяльных арганізацый якасным пасяўным матэрыялам і неабходнай колькасцю мінеральных угнаенняў, а таксама падрыхтоўка тэхнікі да пасяўной кампаніі.

Дзяржаўная інспекцыя па насенняводству

24 дек 2019