Аб выяўленні каранцінных аб'ектаў з 29 верасня па 12 кастрычнiка 2023 года

     За перыяд з 29 верасня па 12 кастрычнiка 2023 года iнспектарамi дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) ў імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 3 вiда каранцінны аб'ектаў у 16 выпадках выяўлення:
– амброзія палыналістая (Ambrosia artemisiifolia L.) – 10 выпадкаў: 6 выпадакаў выяўлення ў соевых бабах (132,0 т), 3 выпадка – ў насеннi рапса харчовага (66,14 т) i 1 выпадак – у насеннi сланечніка харчовага (20,0 т);
– чарада валасістая (Bidens рilosa L.) – 4 выпадка ў соевым шроце (213,0 т);
– вірус мазаікі пэпіна (Pepino mosaic virus) – 2 выпадка ў свежых таматах чэры (0,979 т).
     Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.
    Даведкава: Амброзія палыналістая – каранцінная пустазельная расліна, якая сустракаецца на лугах i пашах. У вялiкай колькасцi расце на збоччах чыгуначных, шашэйных і грунтовых дарог, па берагах рэк і сажалак, у садах, вінаградніках, на сенажацях, пашах, полеахоўных лясных гонях, на пустках і іншых няворных землях, на вуліцах і на прысядзібных пляцоўках. Расліна высушвае глебу, пагаршае яе ўрадлівасць, прыгнятае культурныя расліны на пасевах. На лугах і пашах выцясняе злакавыя і бабовыя расліны, зніжае кармавую якасць сена (з прычыны ўтрымання ў лісцях горкіх эфірных алеяў жывёла іх не паядае). Пылок амброзіі палыналістай з’яўляецца алергенам. У новыя рэгiены яе насенне можа быць занесена з насеннем, харчовым і фуражным збожжам, расадай i iншай падкаранцiннай прадукцыяй. Натуральнае шыранне адбываецца з вадой, ветрам, птушкамі, з коламі транспартных сродкаў і інш.

16.10.2023