Аб выяўленні каранцінных аб'ектаў з 7 па 21 лістапада 2019 года

Па выніках праведзенага каранціннага фітасанітарнага кантролю (нагляду) у перыяд з 7 па 21 лістапада 2019 года выяўлена ва ўвозiмых у Рэспубліку Беларусь імпартных падкаранцінных грузах у 3 выпадках 3 віды каранцінных аб'ектаў для дзяржаў-членаў Еўразійскага эканамічнага саюза.

Так, дзяржаўнымі інспектарамі па каранціне раслін у зрэзаных кветках хрызантэм (160 шт.), якія паступілі ў Рэспубліку са Славакіі (паходжанне - Нідэрланды), выяўлена ў 1 выпадку белая іржа хрызантэм (Puccinia horiana Henn.).

Таксама, у 1 выпадку ў артышоку (1,134 т) з Латвіі (паходжанне - Францыя) выяўлены заходні кветкавы трыпс (Frankliniella occidentalis Pergande).

У таматах свежых (15 т) з Турцыі ў 1 выпадку выяўлена амерыканская таматная моль (Tuta absoluta (Meyrick)).

Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.

Даведачна: Белая іржа хрызантэм лічыцца шкодным захворваннем у краінах, якія займаюцца прамысловым вырошчваннем культуры. Грыб валодае высокім патэнцыялам адаптацыі і прыжывальнасці ў новых умовах. Масавае паражэнне раслін у цяпліцах можа выклікаць 80 % знішчэння ўраджаю, аж да поўнай страты колькасці раслін хрызантэм. Хвароба заражае ў асноўным лісце, радзей сцябло і кветкі, перадаецца з заражанымі чаранкамі і раслінамі хрызантэм, уключаючы зрэзаныя кветкі.

25.11.2019