![](/bitrix/templates/.default/templates/ipr/images/x.gif)
Аб выяўленні каранцінных аб'ектаў з 19 па 25 ліпеня 2024 года
За перыяд з 19 па 25 ліпеня 2024 года інспектарамі дзяржаўнай установы «Галоўная дзяржаўная інспекцыя па насенняводству, каранціну і ахове раслін» па выніках каранціннага фітасанітарнага кантролю (нагляду) у імпартнай падкаранціннай прадукцыі, якая ўвозiлася ў Рэспублiку Беларусь, было выяўлена 6 вiдаў каранцінных аб'ектаў у 13 выпадках выяўлення:
- усходняя пладажорка (Grapholita molesta Busck.) - 1 выпадак у персіках свежых (19,2 т);
- міжземнаморская пладовая муха (Ceratitis capitata Wiedemann) - 1 выпадак у персіках свежых (7,76 т);
- чарада валасістая (Bidens рilosa L.) - 5 выпадкаў у шроце соевым (303,26 т);
- амброзія палыналістая (Ambrosia artemisiifolia L.) - 3 выпадкі ў соі харчовай (103,0 т) і 1 выпадак у шроце соевым (53,2 т);
- бурая маніліёзная гніль (Monilinia fructicola (Winter)) - 1 выпадак у абрыкосах свежых (19,452 т);
- белая іржа хрызантэм (Puccinia horiana Henn.) - 1 выпадак на зрэзаных кветках хрызантэм (80 шт.).
Па выніках каранціннага фітасанітарнага кантролю (нагляду) ва ўсіх выпадках выяўлення каранцінных аб'ектаў прыняты меры ў адпаведнасці з нарматыўнымі прававымі актамі Еўразійскага эканамічнага саюза.
Даведачна: Усходняя пладажорка - небяспечны, каранцінны шкоднік пладовых культур з сямейства ліставертак. Асаблівасцю гэтага віду, у адрозненне ад іншых блізкіх відаў пладажорак (слівовай, яблыннай і інш.), з'яўляецца здольнасць пашкоджваць не толькі плады, але і маладыя пабегі персіка, слівы, абрыкоса, яблыні, грушы, айвы, вішні, чарэшні і шмат іншых культур. Адрадзіўшыяся гусеніцы ўкараняюцца ў верхнюю частку маладога пабега і выгрызаюць усярэдзіне яго падоўжны ход, у выніку чаго верхавіны пашкоджаных пабегаў марнеюць і нікнуць. Месцы ўкаранення гусеніц часта пазначаюцца кропелькамі камедзі і экскрыментамі. Пры пашкоджанні пладоў гусеніцы (2-га і наступных пакаленняў) кормяцца мякаццю, насеннем, часам пранікаюць ўнутр яшчэ не зацвярдзелых костачак. Пры масавым размнажэнні папуляцыя ўсходняй пладажоркі здольна знішчыць ад 50 да 100% ураджаю.
29.07.2024
Іншыя навіны
10.06.2024
Аб выяўленні каранцінных аб'ектаў з 31 мая па 6 чэрвеня 2024 года
03.06.2024
Аб выяўленні каранцінных аб'ектаў з 24 па 30 мая 2024 года
27.05.2024
Аб выяўленні каранцінных аб'ектаў з 17 па 23 мая 2024 года
20.05.2024
Аб выяўленні каранцінных аб'ектаў з 10 па 16 мая 2024 года
15.05.2024
Аб сродках аховы раслін, якія прыйшлі ў непрыдатнасць
15.05.2024
Аб выяўленні каранцінных аб'ектаў з 03 па 09 мая 2024 года
06.05.2024
Аб выяўленні каранцінных аб'ектаў з 26 красавіка па 02 мая 2024 года
29.04.2024
Аб унясенні змяненняў у Закон Рэспублікі Беларусь " Аб карантыне і ахове раслін»
29.04.2024
Паважаныя калегі!